Georg Luzzi

Fallun 2a
7556 Ramosch

• Scolaziun fotografia digitala
• Planisader da marketing c. diplom federal
• Promotur da vendita
• Impiegà da commerzi

sur da mia persuna

Muntagnard daspö naschentscha, musica sco cumpensaziun e fotograf our da paschiun. Daspö ons suna fingià in viadi tras l'Engiadina cun meis apparat da fotografar. Mia gronda paschiun es ouravant tuot fotografias da la natüra. Davo la scoulaziun intensiva (Lehrgang digitale Fotografie) pro la scoula da fotografar ad Ebikon pro Martin Zurmühle (Luzern - www.fotoschule.biz) am dedichesch gugent eir al tema fotografias da persunas.

PRIVAT: Eu sun maridà cun Reta Luzzi-Barblan daspö l'on 1999. Ella lavura sco cusgliadra da nudritüra (ganzheitlich-psychologische Ernährungsberaterin - www.animar.ch). No vain duos uffants Noa e Janis e vivain a Ramosch (Engiadina Bassa) al ur dal cumün.

MANSTER: Redactur pro Radiotelivisiun Rumantscha RTR (www.rtr.ch) ed in viadi in tuot l'engiadina e vals dal süd.